
Во рамки на соработката со Junior Achievement Македонија, Семос Едукација организираше презентација со цел на интересен, динамичен и интерактивен начин да ги запознае учениците со можностите за учење и развој што ги нуди, како и со различните кариерни насоки во ИТ индустријата.
На настанот присуствуваа ученици, наставници и претставници од Општина Ѓорче Петров, а учество земаа и ученици од ООУ „Ѓорче Петров“, ООУ „Димитар Поп Георгиев Беровски“, ООУ „Страшо Пинџур“, ООУ „Тихомир Милошевски“ и ООУ „Мирче Ацев“.
Преку презентацијата, присутните имаа можност да се запознаат со програмите на Семос Едукација наменети за деца и млади, со актуелните технолошки професии и со вештините кои денес се сѐ повеќе потребни за успешен професионален развој.
Изразуваме искрена благодарност до Љупка Панчевска, извршен директор на Junior Achievement Македонија, за поддршката и успешната соработка, како и до сите присутни за покажаниот интерес и активното учество. Ваквите иницијативи се важен чекор во насочувањето на младите кон нови можности за образование, развој и кариера.