Новости / Учениците од ООУ „Невена Георгиева-Дуња“ во посета на Семос Едукација

Учениците од ООУ „Невена Георгиева-Дуња“ во посета на Семос Едукација

Денес во просториите на Семос Едукација имавме чест да бидеме домаќини на учениците од ООУ „Невена Георгиева-Дуња“ од Скопје, предводени од директорката Наталија Делева, кои преку оваа посета имаа можност одблиску да се запознаат со современите технологии и образовните програми што ги подготвуваат младите за професиите на иднината.

За време на посетата учениците имаа можност да дознаат повеќе за програмите и активностите што ги реализираме, како и за областите кои денес се меѓу најбараните и најкреативни дигитални професии. Посебен фокус беше ставен на веб-дизајнот и графичкиот дизајн, при што учениците се запознаа со основите на HTML & CSS, како и со можностите што ги нудат Adobe Illustrator и Adobe Photoshop во процесот на создавање визуелни решенија и дигитални содржини.

Нивната љубопитност, активното учество и интересот за новите технологии уште еднаш покажаа колку е важно младите уште од најрана возраст да имаат можност да ги истражуваат различните кариерни насоки и да стекнуваат практични знаења преку интерактивно учење.

Веруваме дека ваквите средби се одлична можност за инспирација и насочување на младите кон идните професии и знаења што ќе го обликуваат светот на утрешнината.

Им благодариме на учениците и наставниот кадар за посетата и со нетрпение очекуваме повторно да се видиме во Семос Едукација

Останати објави

27.10.2026

Презентација за ученици и наставници во рамки на соработката со Junior Achievement Македонија

Во рамки на соработката со Junior Achievement Македонија, Семос Едукација организираше презентација со цел на интересен, динамичен и интерактивен начин да ги запознае учениците со можностите за учење и развој што ги нуди, како и со различните кариерни насоки во ИТ индустријата.

16.09.2026

Инвестиција во иднината: Дигитални вештини, образование и можности за младите

На 16 септември 2026 година, на покана на Љупка Панчевска, извршна директорка на Junior Achievement Macedonia, во хотел „Гарденија“ во Велес, Семос Едукација, во рамки на меморандумот за соработка со Junior Achievement Macedonia, учествуваше на настан посветен на наставници од основните и средните училишта ширум државата.