Овој курс претставува надградба на основните познавања од HTML и CSS и е наменет за ученици кои сакаат да ги продлабочат своите вештини во веб дизајнот и изработката на модерни веб-страници.

Учениците ќе се запознаат со семантичките HTML елементи и нивната правилна примена за подобра структура, читливост и оптимизација на веб-страниците. Ќе изучуваат напредни техники за организирање и позиционирање на содржината, како и имплементирање на функционална и прегледна навигација.

Ќе се стави акцент на креирање напредни форми (input полиња, select менија, radio копчиња и checkbox опции), како и стилизирање со позадини, рамки и визуелни ефекти. Учениците ќе научат и напредна работа со слики, видео и аудио содржини.

Во рамки на курсот ќе биде направен вовед во Bootstrap framework и неговата примена за побрза и поефикасна изработка на респонзивни веб-страници.

Курсот завршува со практичен проект, каде учениците ќе креираат комплетна, структурирана и модерно дизајнирана веб-страница, применувајќи ги сите стекнати знаења.